ئەمڕۆ سێشەممە لەنێوان وەزیری ناوخۆ و تیمی نیشتمانی ستراتیژییەتی بەهێزكردنی سەروەری یاسا و چەسپاندنی دادپەروەری، تاوتوێی دوایین هەنگاوەكانی پلانی ستراتیژیی نیشتمانی كرا.
شیلان عارف بریکاری وەزارەتی داد و سەرۆکی تیمی نیشتمانيی ستراتیژيیەتی بەهێزکردنی سەروەريی یاسا و چەسپاندنی دادپەروەری، بە یاوەری ستافێک له تیمەکە، سەردانی وەزارەتی ناوخۆی حکوومەتی هەرێـمی کوردستانیان کرد و لەگەڵ ڕێبەر ئەحمەد وەزیری ناوخۆ کۆبوونهوه.
لە كۆبوونەوەكەدا بریکاری وەزارەتی داد کورتەیەکی لەبارەی دواهەنگاوەکانی جێبەجێکردنی بڕگەکانی پلانی ستراتیژيی نیشتمانى باس کرد و ئامادەکارییەکانی بۆ نووسینەوەی پلانی جێبەجێکردنی پڕۆژەکە خستەڕوو.
لای خۆشییەوە وهزيرى ناوخۆ وێڕای دەستخۆشی و بەرزنرخاندنی کار و هەنگاوەکان، پشتیوانيی خۆی و وەزارەتی ناوخۆى بۆ سەرخستن و جێبەجێکردنی پڕۆژەکە دەربڕی، لە دوای پەسەندکردنی لەلایەن ئەنجوومەنی وەزیرانی هەرێمی کوردستانەوە.
کۆمێنت (0)
تا ئێستا هیچ کۆمێنتێک نەکراوە.