لە هێرشە مووشەكییەكەی سەرلەئێوارەی ئەمڕۆ یەكشەممەی سوپای ئیسڕائیل بۆ سەر سەنعای پایتەختی یەمەن، 37 كەس بوونە قوربانی.
وەزارەتی تەندروستی حكوومەتی سەنعا رایگەیاند: لەدوایین هێرشی سوپای ئیسڕائیل بۆ سەر یەمەن 2 كەس كوژراون و 35 كەسی دیكەش بریندار بوون.
پێشتر میدیاكانی یەمەن بڵاویان كردبووەوە: سەرلەئێوارەی ئەمڕۆ یەكشەممە بە سێ مووشەك هێرشكرایە سەر سەنعای پایتەخت.
بڵاویشیان كردبووەوە: هێرشەكەی سوپای ئیسڕائیل بۆ سەر كۆگایەكی سووتەمەنی بووە.
لای خۆشییەوە سوپای ئیسڕائیل لەبارەی هێرشەكە رایگەیاندبوو: بنكەیەكی سەربازی لەنێو كۆشكی سەرۆكایەتی لە سەنعا كراوەتە ئامانج.
راشیگەیاندبوو: لەگەڵ بۆدومانەكان، مۆلیدەیەكی گەورەی بەرهەمهێنانی كارەبا و كۆگەیەكی هەڵگرتنی سووتەمەنیش بۆردومان كراون.
سوپای ئیسڕائیل جەختیشی كردبووەوە كە بۆردومانەكانیان بۆ سەر بنكە و بارەگای حوسییەكان لە یەمەن بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.