سەرۆكی ئەمریكا لە پۆستێكدا شانازی بە كارەكانی خۆیەوە كرد كە لەماوەی تەنیا 6 مانگدا 6 جەنگی لە جیهاندا راگرتووە.
دۆناڵد ترەمپ سەرۆكی ئەمریكا لە پۆستێكدا لە تۆڕی كۆمەڵایەتی (تروس) نووسیویەتی: با بیرتان بخەمەوە، ئەوە من بووم لە ماوەی تەنیا 6 مانگدا 6 جەنگم راگرت، من بووم دامەزراوە ئەتۆمییەكانی ئێرانم لەناو برد.
هەروەها نووسیویەتی: ئەوە من بووم دانوستانم كرد و سەدان بارمتەم رزگار كرد و گەڕاندمەوە بۆ ئیسڕائیل و ئەمریكا.
ترەمپ بەهەمانشێوە نووسیویەتی: یان بۆ سەركەوتن یاری بكە، یاخود هەر یاری مەكە.
سەرۆكی ئەمریكا سەبارەت بە جەنگی ئیسڕائیل و بزووتنەوەی حەماس لە كەرتی غەزە نەی شاردەوە كە: چیتر چاوەڕێی ئازادكردنی بارمتەكان مەكەن تا دوای رووبەڕووبوونەوەی حەماس و لەناوبردنیان، تا زووتر ئەو كارە بكەین، چانسی سەركەوتن زیاتر دەبێت.
کۆمێنت (0)
تا ئێستا هیچ کۆمێنتێک نەکراوە.