لە سنووری گەرمیان کرێکارێکی خەڵکی قەزای ڕانییە بە هۆی تەقینەوەی تایە بە سەختی بریندار بوو و ڕەوانەی نەخۆشخانەی سلێمانی کرا.
"محەممەد ساڵح"، پەیامنێری کورستان تیڤی لە گەرمیان ڕایگەیاند بەیانیی ئەمڕۆ پێنجشەممە 24ی تەمووزی 2025، لە کۆمپانیای مارینا لە کەلار، تایەی ئوتۆمبێل (گێلدەر)ێک بە کرێکارێکدا تەقییەوە و لە ئەنجامدا کرێکارەکە بە سەختی بریندار بوو و دوای چارەسەری خێرا لە نەخۆشخانەی فریاکەوتنی شەهید هەژار، بە هۆی سەختیی برینەکەیەوە ڕەوانەی نەخۆشخانەی سلێمانی کرا.
بریندارەکە لەدایکبووی ساڵی 1998 و دانیشتووی قەزای ڕانیەیە و بە مەبەستی کارکردن ڕووی لە سنووری گەرمیان کردووە.
ئێستا پەڕاوی لێکۆڵینەوەی بۆ کراوەتەوە و پۆلیس لەسەر ڕووداوەکە دەستی بە لێکۆڵینەوە کردووە.
کۆمێنت (0)
تا ئێستا هیچ کۆمێنتێک نەکراوە.