پاسێک لە لۆفەکانی سپیلک ئاگری گرتوو لەلایەن تیمی بەرگری شارستانی سۆران و شەقڵاوە کوژێندرایەوە.
ئەمڕۆ پێنجشەممە 24ـی تەممووز، عەقید عەبدولقادر میران، بەرێوەبەری بەرگری شارستانی شەقڵاوە بە "عوسمان مەجید" پەیامنێری کوردستان تیڤی'ی راگەیاند: "پاسێک لە لۆفەکانی سپیلک سەر بە ناحیەی خەلیفان ئاگری گرت و لەلایەن تیمەکانمانەوە کۆنترۆڵ کرا".
عەقید عەبدولقادر میران دەڵێت، سووتاندنی پاسەکە نەبووەتە هۆی زیانی گیانی ئەوەی هەیە تەنها گیانی مادییە و سەرنشین و شۆفێر سەلامەت.
بەرێوەبەری بەرگری شارستانی شەقڵاوە گوتی: بە هەماهەنگی لەگەڵ بەرگری شارستانی سۆران توانیمان ئاگرەکە کۆنترۆڵ بکەین.
کۆمێنت (0)
تا ئێستا هیچ کۆمێنتێک نەکراوە.