وەزارەتی سامانە سروشتییەکانی هەرێمی کوردستان ڕایگەیاند ئەمڕۆ بەیانی بۆ جارێکی دیکە لە ڕێگەی درۆنی بۆمبڕێژکراوەوە هێرش کراوەتە سەر کێڵگەی نەوتی DNO لە تاوکێ و داواشی لە حکوومەتی فیدراڵی و کۆمەڵگەی نێودەوڵەتی کردووە گیانی هاوولاتییانی نزیک لەم ناوچانە و کارمەندانی مەدەنی بپارێزن.
لە ڕاگەیاندراوەکەدا هاتووە: "ئەمڕۆ ڕێکەوتی 17ی تەمووزی 2025 بۆ جارێکی دیکە کاتژمێر 10:55 لە ڕێگەی درۆنی بۆمبڕێژکراوەوە هێرش کرایە سەر کێڵگەی نەوتی DNO لە تاوکێ لە سنووری ئیدارەی سەربەخۆی زاخۆ، هێرشەکە زیانی گیانی و ماددی لێ نەکەوتووەتەوە".
وەزارەتی سامانە سروشتییەکان ئەم جۆرە هێرشانە بۆ سەر ژێرخانی ئابووری هەرێمی کوردستانی بە توندی ئیدانە و شەرمەزار کردووە و ئاماژەی بەوەش کردووە، چەند جارێک داوای لە حکوومەتی فیدراڵی و کۆمەڵگەی نێودەوڵەتی کردووە گیانی هاوڵاتیانی نزیک بەم ناوچانە و گیانی کارمەندانی مەدەنی بپارێزن و ڕێگری لە هێرشەکان بۆ سەر هەرێمی کوردستان و کەرتی وزە بکەن".
کۆمێنت (0)
تا ئێستا هیچ کۆمێنتێک نەکراوە.