حوسییه‌كان له‌ رێگه‌ی چه‌ند درۆنیك هێرشیان كرده‌ سه‌ر ئیسرائیل

بزووتنه‌وه‌ی ئه‌نساڕوڵای حوسییه‌كان له‌ یه‌مه‌ن ئه‌مشه‌و سێشه‌ممه‌ به‌ سێ درۆن، هێرشیان كرده‌ سه‌ر چه‌ند بنكه‌یه‌كی سه‌ربازی له‌ناو خاكی ئیسرائیل.

یه‌حیا سه‌ریع گوته‌بێژی سه‌ربازیی حوسییه‌كان رایگه‌یاند: ئه‌مشه‌و به‌ دوو درۆن هێرشمان كرده‌ سه‌ر بنكه‌یه‌كی سه‌ربازی له‌ ناوچه‌ی نه‌قب، درۆنی سێیه‌میش كه‌شتییه‌كی له‌ دوورگه‌ ئاوییه‌كان یه‌مه‌ن كرده‌ ئامانج.

راشیگه‌یاند: هه‌رسێ درۆنه‌كه‌ به‌ سه‌ركه‌وتوویی ئامانجه‌كانی پێكاوه‌ و گورزی گه‌وره‌یان له‌ دوژمن داوه‌.

گوته‌بێژی سه‌ربازیی حوسییه‌كان جه‌ختیشی كرده‌وه‌ كه‌ هێرشه‌كانیان بۆ سه‌ر ئیسرائیل به‌رده‌وام ده‌بێت تاكو هێرشه‌كان بۆ سه‌ر غه‌ززه‌ به‌رده‌وامی هه‌بێت.