لە سلێمانی بە هۆی داڕمانی دیوارێک، کرێکارێک گیانی لەدەست دا و پێنجی دیکەش بریندار بوون.
ئەمڕۆ پێنجشەممە 10ـی تەمووز، بەرێوبەری نەخۆشخانەی فریاکەوتنی سلیمانی رایگەیاند: بەهۆی داڕمانی دیواری کۆمپانیایەک پێنج کرێکار بریندار بوون ویەک کرێکار گیانیان لەدەست دا.
ئارام عەڵی گوتەبێژی بەرگریی شارستانیی سلێمانی بە "دیجیتاڵمیدیای کوردستان تیڤی"ی راگەیاند: بەهۆی رووخانی دیواری کۆمپانیایەک، شەش کرێکار بەسەختی بریندار بوون.
ئارام عەلی دەڵێت: لەگەڵ ئاگادار کردنەوەی تیمەکان، بە خێرایی گەیشتوونەتە شوێنی رووداوەکە و لە رێگەی فریاکەوتنی خێرای سلێمانییەوە راستەوخۆ کرێکارەکان رەوانەی نەخۆشخانەی فریاکەوتنی سلێمانی کراون."
گوتەبێژی بەرگریی شارستانی گوتی: "تا ئەو کاتەی بریندارەکان گوازرانەوە، هیچ کرێکارێک گیانی لەدەست نەدابوو."
لە لایەکی دیکەوە "سامان نادر"، بەڕێوەبەری فریاکەوتنی سلێمانی رایگەیاند: "بەهۆی داڕمانی دیوارێکەوە لە نزیک فەرماندەیی سلێمانی، شەش کرێکار بوونەتە قوربانی".
سامان نادر گوتیشی: کرێکارێک گیانی لەدەست داوە و دوانی دیکەش بە سەختی بریندار بوون، کرێکارەکانی دیکەش لەژێر چارەسەری پزیشکیدان.
کۆمێنت (0)
تا ئێستا هیچ کۆمێنتێک نەکراوە.