دادگای تاوانی نێودەوڵەتی بە تۆمەتی چەوساندنەوەی ژنان و کچان و ئەنجامدانی تاوان دژی مرۆڤایەتی، فەرمانی دەستگیرکردنی بۆ ڕێبەری بزووتنەوەی تاڵیبان و بەرپرسێکی باڵای دیکەی بزووتنەوەکە دەرکرد.
ئەمڕۆ سێشەممە 8ـی تەمووز، دادگای تاوانی نێودەوڵەتی فەرمانی دەستگیرکردنی بۆ هەریەک لە هەیبەتوڵا ئاخوندزادە ڕێبەری بزووتنەوەی تاڵیبان لە ئەفغانستان و عەبدولحەکیم حەقانی بەرپرسێکی باڵای ئەو بزووتنەوەیە دەرکرد، ئەمەش بە تۆمەتی چەوساندنەوەی ژنان.
دادوەرانی دادگاکە لە ڕاگەیەندراوێکدا نووسیویانە: بنەمایەکی باوەڕپێکراو هەیە کە ئاخوندزادە و حەقانی لە ڕێگەی دەرکردنی فەرمان و هاندانەوە، تاوانی دژی مرۆڤایەتییان ئەنجامداوە کە بریتییە لە چەوساندنەوەی کچان و ژنان بە هۆکاری پەیوەست بە ڕەگەز (جێندەر).
کۆمێنت (0)
تا ئێستا هیچ کۆمێنتێک نەکراوە.