پۆلیسی ئیسپانیا ئەمڕۆ سێشەممە بەفەرمی هۆكاری گیانلەدەستدانی دیاگۆ جۆتا و براكەی لە رووداوێكی هاتوچۆ راگەیاند.
دیاگۆ جۆتا ئەستێرەی پورتوگالی و یانەی لێڤەرپوولی ئینگلیزی و براكەی هەفتەی رابردوو لە ئەنجامی رووداوێكی هاتوچۆ لەنێو ئۆتۆمبێلەكەیان گیانیان لەدەست دا.
پۆلیسی ئیسپانیا بە پشتبەستن بە راپۆرتی چەند شارەزایەكی هاتوچۆ رایگەیاند: هۆكاری رووداوی گیانلەدەستدانی جۆتا و براكەی خێرایی زیاتر بووە لە خێرایی رێگەپێدراوی ئەو شەقامەی رووداوەكەی لێ كەوتۆتەوە.
راشیگەیاند: خێرایی بووەتە هۆكاری ئەوەی تایەی ئۆتۆمبێلەكەی جۆتا بتەقێت و تووشی ئەم كارەساتە گەورەیە ببنەوە.
رووداوەكە شەوی 25 – 26ی رووی دا، جۆتا و براكەی ویستوویانە بە ئۆتۆمبێلەكەیان لە جۆری لامبۆرگینی لە ئیسپانیاوە بەرەو بەریتانیا بڕۆن، بەڵام لە رێگەی تووشی رووداوی هاتوچۆ بوونە و بەهۆی تەقینەوە و گڕگرتنی ئۆتۆمبێلەكەیان هەردووكیان گیانیان لەدەست دا.
کۆمێنت (0)
تا ئێستا هیچ کۆمێنتێک نەکراوە.