لە سلێمانی پێنج ئوتۆمبێل تووشی ڕووداوی هاتوچۆ بوون و بەڕێوبەرایەتیی هاتوچۆی سلێمانی دەڵێت، هۆکاری رووداوەکە تیژڕەوی و پابەند نەبوون بە پاراستنی ماوەی سەلامەتی نێوان ئۆتۆمبێلەکان بووە.
ئەمڕۆ سێشەممە 8ـی تەمووز، بەرێوبەرایەتیی پۆلیسی سلێمانی رایگەیاند لەسەر شەقامی نێوان سلێمانی و عەربەت رووداوێکی هاتووچۆ لە نێوان پێنج ئۆتۆمبێلدا رووی داوە.
هاتوچۆی سلێمانی دەڵێت، هۆکاری سەرەکیی رووداوەکە تیژڕەوی بووە ودوای پشکنین و هێڵکاری بۆ رووداوەکە دەرکەوتووە شۆفێرەکان پابەندی پاراستنی مەودای سەلامەتیی نێوان ئۆتۆمبێلەکان نەبوون.
هاتوچۆی سلێمانی گوتی، ئەم رووداوە هیچ زیانێکی گیانیی لێ نەکەوتووەتەوە و ئەوەی هەیە هەمووی زیانی مادییە.
کۆمێنت (0)
تا ئێستا هیچ کۆمێنتێک نەکراوە.