باڵیۆزی ئەمریکا لە ئیسرائیل لە کاردانەوەیەکدا بەرامبەر بە ئاراستەکردنی مووشەک لە یەمەنەوە، هەڕەشەی کرد و رایگەیاند، ڕەنگە کاتی ئەوە هاتبێت بۆمبهاوێژەکانی جۆری B-2 سەردانێکی یەمەن بکەن.
ئەمڕۆ سێشەممە 1ـی تەمووز، مایک هاکابی باڵیۆزی ئەمریکا لە تەلئەڤیڤ ئاماژەی بەوە کرد، کە ئێوارەی رۆژی سێشەممە مووشەکێک لە یەمەنەوە ئاراستەی ئیسرائیل کراوە و گوتی: پێمانوابوو مووشەک بۆ سەر ئیسرائیل تەواو بووە، بەڵام حووسییەکان یەکێکی دیکەیان ڕێک بەسەر سەرمانەوە لە ئیسرائیل تەقاند.
ناوبراو بە زمانێکی هەڕەشەئامێز درێژەی پێدا و گوتی: ڕەنگە کاتی ئەوە هاتبێت کە بۆمبهاوێژەکانی B-2 سەردانێکی یەمەن بکەن.
ئەمشەو سێشەممە بە چەند مووشەكێك كە لە یەمەن و كەرتی غەززە هەڵدراوە، هێرشكراوەتە سەر ئیسرائیل، سیستەمی بەرگریی ئاسمانی توانیویەتی رووبەڕووی سەرجەم مووشەكەكان ببێتەوە و بەبێ زیان، بیانخاتە خوارەوە.
کۆمێنت (0)
تا ئێستا هیچ کۆمێنتێک نەکراوە.