سەرۆكی ئەمەریكا ئەمڕۆ سێشەممە لە چاوپێكەوتنێكی رۆژنامەوانیدا رایگەیاند، ئەمەریكا هەوڵ دەدات هەفتەی داهاتوو ئاگربەست لەنێوان ئیسرائیل و حەماس لە غەززە رابگەیەنێت.
دۆناڵد ترەمپ سەرۆكی ئەمەریكا بە رۆژنامەنووسانی گوت: هەوڵ دەدەین هەفتەی داهاتوو بەر لە گەشتەكەی بنیامین نەتانیاهۆ سەرۆك وەزیرانی ئیسرائیل بۆ ئەمریكا، ئاگربەست لە غەززە رابگەیەنین.
ترەمپ رۆژی هەینی رابردووش بەهەمانشێوە گوتبووی: راگرتنی شەڕ و راگەیاندنی ئاگربەست لەنێوان ئیسرائیل و حەماس لە كەرتی غەززە نزیك بووەتەوە.
ئەم لێدوانەی سەرۆكی ئەمەریكا لە كاتێكدایە كە تا ئەمڕۆ سێشەممە شەڕ و پێكدادان و بۆردومانەكان لە كەرتی غەززە درێژەیان هەبووە.
بەگوێرەی راگەیەنراوی سوپای ئیسرائیل ئەمڕۆ سێشەممە بنكەی هێرشەكانیان لە كەرتی غەززە فراوانتر كردووە، لەبەرامبەریشدا بەرگریی شارستانی لە كەرتی غەززە رایگەیاندووە، ئەمڕۆ 17 كەس بەهۆی تۆپبارانەكانی ئیسرائیل گیانیان لەدەستداوە.
کۆمێنت (0)
تا ئێستا هیچ کۆمێنتێک نەکراوە.