لاپەڕەی فەرمیی ئۆفیسی ئاسایسی ناوخۆیی ئەمریکا لە تۆڕی کۆمەڵایەتیی ئینستاگرام وێنەیەکی بڵاو کردووەتەوە کە تێیدا چوار تیمساح کڵاوی "فەرمانگەی کۆچبەری و گومرکی ویلایەتە یەکگرتووەکانی ئەمریکا"(ICE) یان لەسەرە.
"فەرمانگەی کۆچبەری و گومرک" یەکێک لە دامەزراوە سەرەکییەکانی سەر بە "ئۆفیسی ئاسایشی ناوخۆیی ئەمریکا"یە و کۆنترۆڵی سنوورەکان و جێبەجێکردنی یاساکانی تایبەت بە کۆچبەران، ڕێگری لە هاتنی کۆچبەرانی نایاسایی بۆ ئەمریکا، دەستبەسەرکردنی کۆچبەرانی نایاسایی لە ناوخۆی ئەمریکا، بەدواداچوون بۆ دۆسیەی کۆچبەران لە دادگا، جێبەجێکردنی بڕیاری دادگا لەسەر کۆچبەرانی نایاسایی و دەرکردنی ئەو کۆچبەرانە لە ئەمریکا، بەشێکن لە ئەرکە سەرەکییەکانی ئەو فەرمانگەیە.
بڵاوبوونەوەی ئەم وێنەیە لە لاپەڕەی فەرمیی ئۆفیسی ئاسایشی ناوخۆیی ئەمریکا وا لێک دراوەتەوە کە فەرمانگەی کۆچبەری و گومرکی ئەمریکا لەمەودوا بۆ رێگری لە هاتنی کۆچبەرانی نایاسایی لە سنوورە ئاوییەکانەوە، تیمساح بەکار دەهێنێت.
کۆمێنت (0)
تا ئێستا هیچ کۆمێنتێک نەکراوە.