نۆرینگەیەکی یاریدەدەری پزیشکی لە سۆران بەهۆی فرۆشتنی دەرمانی رێگەپێنەدراو و قاچاخ، لەلایەن وەزارەتی تەندروستییەوە دەدرێتە دادگا.
رۆژی یەکشەممە 29ـی حوزەیران، بەڕێوەبەرایەتی دەزگای کۆنتڕۆڵکردنی پزیشکی کوردستان رایگەیاند: بە هەماهەنگی لەگەڵ بەڕێوەبەرایەتی گشتی تەندروستی، تیمی چاودێریکردن و بەدواداچوونیی دەزگای کۆنتڕۆڵکردنی پزیشکی کوردستان گەڕانیان بۆ چەند نۆرینگەیەک و دەرمانخانەیەک لە سنوری قەزای سۆران کردووە.
یەکێک لە نۆرینگەکان دەرمانی قەدەغەکراوی تێدا فرۆشراوە بە ناوی میری (MOH) و مامەڵەی بە دەرمانی قاچاخیشەوە کردووە، بۆیە لەلایەن بەرێوبەرایەتی دەزگای کۆنتڕۆڵکردنی پزیشکی کوردستان دراوەتە دادگا.
بەگوێرەی راگەیەنراوەکەی بەڕێوەبەرایەتیی تەندروستی سۆران، نۆرینگەکە ناوی "شیفا"یە و لە ئێستادا داخراوە و رێکاری یاسایی بەرامبەر خاوەنەکەی گیراوەتە بەر.
کۆمێنت (0)
تا ئێستا هیچ کۆمێنتێک نەکراوە.