ئەمڕۆ پێنجشەممە ئۆکرانیا و رووسیا کۆمەڵێکی نوێی دیلە سەربازییەکانیان ئاڵوگۆڕ کرد، ئەمەش بەپێی ئەو رێککەوتنەی کە لە سەرەتای ئەم مانگە لە میانی گفتوگۆکانی ئەستەنبۆڵدا کرابوو.
ڤۆلۆدیمیر زێلێنسکی سەرۆکی ئۆکرانیا لە تۆڕە کۆمەڵایەتییەکان رایگەیاند: ئەمڕۆ جەنگاوەرانمان لە هێزە چەکدارەکان، گاردی نیشتمانی و پاسەوانی سنوور دەگەڕێنەوە نیشتمان.
هەروەها سەرۆکی ئۆکرانیا وێنەی ئەو سەربازە ئازادکراوانەشی بڵاوکردەوە کە بەدەم پێکەنینەوە دەرکەوتوون.
لە بەرامبەردا، وەزارەتی بەرگریی رووسیا لە بەیاننامەیەکدا رایگەیاند: کۆمەڵێکی دیکەی سەربازانی رووسیا لەو خاکانەی لەژێر کۆنترۆڵی رژێمی کیێڤدایە گەڕێنرانەوە.
کۆمێنت (0)
تا ئێستا هیچ کۆمێنتێک نەکراوە.