ئاسایشی هەولێر لەسەر بڵاوكردنەوەی ڤیدیۆی سوكایەتیكردن بە ئافرەتێكی بەساڵاچوو لە تۆڕە كۆمەڵایەتییەكان روونكردنەوەیەكی بڵاوكردەوە و رایگەیاند كە ڤیدیۆكە كۆنە.
ئاسایشی هەولێر لە روونكردنەوەكەدا رایگەیاند "گرتە ڤیدیۆیەک لە تۆڕە کۆمەڵایەتییەکان بڵاو کراوەتەوە کە کەسێکی هەرزەکاری تەمەنی خوار 18 ساڵ هەڵساوە بەگاڵتەپێکردن و سوکایەتیکردن بە ئافرەتێکی بەساڵاچوو".
ئاسایشی هەولێر جەختی كردەوە كە "مێژووی تۆمارکردنی گرتە ڤیدۆکە دەگەڕێتەوە بۆ دووساڵ بەر لە ئێستا، بەڵام گەنجەكە گرتە ڤیدیۆكەی لە تۆڕە کۆمەڵایەتییەکان بڵاوکردۆتەوە".
هەروەها رایگەیاند "لەسەر ئەم بابەتە لەلایەن هێزەکانمانەوە دەست بە ئەنجامدانی بەدواداچوون کرا و ڕێکاری یاسایی بەرامبەر گەنجەكە وەرگیرا".
کۆمێنت (0)
تا ئێستا هیچ کۆمێنتێک نەکراوە.