بەڕێوەبەرایەتیی هاتوچۆی سۆران ئەمڕۆ چوارشەممە رایگەیاند، لە ئەنجامی رووداوێکی پێکدادان لە نێوان دوو ئۆتۆمبێلدا لەسەر رێگای هامڵتۆن، حەوت هاووڵاتی بریندار بوون و رەوانەی نەخۆشخانە کران.
ئەمڕۆ چوارشەممە 25ـی حوزەیران بەڕێوەبەرایەتیی هاتوچۆی سۆران کە لە زاری هۆگر ئەحمەد سەعید، ڕێپێدراوی هاتوچۆوە رایگەیاند، رووداوەکە لە جۆری لێکدان بووە و لە نێوان ئۆتۆمبێلێکی جۆری نیسان سەنی و تۆیۆتا کۆرۆلای تاکسیدا لەسەر رێگای هامڵتۆن نزیک مەشتەلی گوندی بەرزێوە روویداوە.
بەپێی زانیارییەکان، لە ئەنجامی رووداوەکەدا حەوت سەرنشینی هەردوو ئۆتۆمبێلەکە بریندار بوون.
کۆمێنت (0)
تا ئێستا هیچ کۆمێنتێک نەکراوە.