سەرۆكی ئەمریكا سوپاسی ئێرانی كرد كە لە هێرشەكەی ئەمشەو بۆ سەر بنكە سەربازیی عەدید لە دەوحە لە قەتەر ئاگاداری كردبوونەتەوە، هەروەها هێرشەكەی بە زۆر لاواز و بێ ئامانج وەسف كرد.
دۆناڵد ترەمپ سەرۆكی ئەمریكا لە وتەیەكدا گوتی: هێرشەكەی ئەمشەوی ئێران بۆ سەر بنكەی سەربازیی عەدید لە دەوحە هیچ هاووڵاتییەكی ئەمریكی و قەتەری بریندار نەبوون.
گوتیشی: وەڵامەكەی ئێران زۆر لاواز و پێشبینیكراو بوو كە 14 مووشەكی ئاراستە كردبوو و توانرابوو 13 مووشەكیان بخرێتە خوارەوە.
سەرۆكی ئەمریكا سوپاسی ئێرانیشی كرد كە پێش ئەنجامدانی هێرشەكە ئەمریكا و قەتەری ئاگاداركردبووەوە.
ترەمپ جەختیشی كردەوە كە ئێستا ئێران بەرەو ئاشتی دەروات و بۆ ئەم مەبەستەش پیرۆزبایی لە جیهان كرد.
کۆمێنت (0)
تا ئێستا هیچ کۆمێنتێک نەکراوە.