گوتەبێژی كۆشكی کریملین، دمیتری پێسکۆڤ رایگەیاند: ھەمووشتێک پەیوەندیدارە بەوەی ئێران پێویستی بە چییە، ئێمە پێشنیاری نێوەندگیریمان کرد کە جۆرێکە لە پشتیوانی، بەڵام لە ئایندەدا ھەمووشتێک پەیوەندیدار دەبێت بەوەی ئێران پێویستی بە چییە.
ئاژانسی " ئهنادۆڵ"ی توركیا بڵاویكردووهتهوه: ئهمڕۆ دووشهممه لە کۆنگرەیەکی رۆژنامەوانییدا دمیتری پێسکۆڤ گوتەبێژی کۆشکی سەرۆکایەتی رووسیا (کریملین)، رایگەیاند: پاڵپشتیی رووسیا بۆ ئێران لهو دۆخهی شهڕ كه تێیدایه پەیوەندیدار دەبێت بە پێویستییەکانی تاران لە قۆناغی داھاتوودا.
دمیتری پێسکۆڤ راشیگهیاندووه: " ئێمە پێشنیاری نێوەندگیریمان کرد کە جۆرێکە لە پشتیوانی، بەڵام لە ئایندەدا ھەمووشتێک روون دهبێتهوه كه ئێران چی دهوێت.
گوتەبێژی کۆشکی سەرۆکایەتی رووسیا (کریملین) دەستدرێژییەکانی سەر ئێران سەرکۆنە دەکات و ھۆشداری داوه کە بەردەوامبوونی دەستدرێژییەکانی سەر ئێران گرژییەکان لە ناوچەکە زیاتر دەکات.
دمیتری پێسکۆڤ سەبارەت بە لێدوانەکەی دۆناڵد ترەمپ سەرۆکی ئەمهریکا، لەبارەی گۆڕینی دەسەڵات لە ئێران، رایگهیاندووه: ئەو بڕیارە بۆ گەلی ئێران دەگەڕێتەوە و ھیچ وڵاتێک ناتوانێت بڕیار لەسەر گۆڕینی دەسەڵات لە ئێران بدات جگه له خهڵكهكهی.
باسی لەوەش کردووه: لەئێستادا ھیچ پلانێک بۆ ئەنجامدانی گفتوگۆ لەنێوان ڤلادیمیر پوتین سەرۆکی رووسیا و دۆناڵد ترەمپ سەرۆکی ئەمهریکا لەبارەی گرژییەکانی نێوان ئێران و ئیسرائیدا نییە، بەڵام ئەگەری ھەیە ئەو گفتوگۆیە لەرێگای چەندین کەناڵی جیاوازەوه له داهاتوودا ئەنجام بدرێت.
کۆمێنت (0)
تا ئێستا هیچ کۆمێنتێک نەکراوە.