ئێوارەی ئەمڕۆ لە سنووری قەزای کۆیە، باوکێک و دوو منداڵی لە ئاوی زێی بچووکدا خنکان.
ئێوارەی ئەمڕۆ هەینی 21ـی حوزەیران، بەرگریی شارستانیی کۆیە رایگەیاند، رووداوێکی خنکان لە نزیک گوندی بۆگد لە سنووری ناحیەی ئاشتی روویداوە، کاتێک باوکێک و دوو منداڵەکەی کەوتوونەتە ناو ئاوی زێی بچووکەوە.
عەمید گۆران سماقەیی، بەڕێوەبەری بەرگریی شارستانیی کۆیە رایگەیاند: "تیمەکانمان دەستبەجێ گەیشتوونەتە شوێنی رووداوەکە و ئۆپەراسیۆنی گەڕان و پشکنین دەستی پێکردووە".
ناوبراو ئاماژەی بەوەش کرد کە تا ئێستا تەرمی یەکێک لە منداڵەکان دۆزراوەتەوە و هەوڵەکان بۆ دۆزینەوەی تەرمی باوکەکە و منداڵەکەی دیکە بەردەوامە.
کۆمێنت (0)
تا ئێستا هیچ کۆمێنتێک نەکراوە.