ئێوارەی ئەمڕۆ، لە ئەنجامی وەرگەڕانی ئۆتۆمبێلێک لەسەر رێگای سەرەکیی زانکۆی هەڵەبجە، هاووڵاتییەک گیانی لەدەستدا و سێ کەسی دیکەش بریندار بوون.
ئەمڕۆ شەممە 21ـی حوزەیران، بەڕێوەبەرایەتیی هاتوچۆی پارێزگای هەڵەبجە لە راگەیەندراوێکدا بڵاویکردەوە: "کەمێک پێش ئێستا ئۆتۆمبێلێکی جۆری کیا ئۆپتیما لە شەقامی دووسایدی زانکۆی هەڵەبجە وەرگەڕا، کە بەهۆیەوە سەرنشینێک گیانی لەدەستدا و سێ سەرنشینی دیکە بریندار بوون."
بەگوێرەی راگەیەندراوەکە، بریندارەکان راستەوخۆ بەمەبەستی وەرگرتنی چارەسەری پزیشکی رەوانەی نەخۆشخانەی فریاکەوتنی هەڵەبجە کراون.
هاتووچۆی هەڵەبجە ئەوەشی خستووەتەڕوو کە تیمەکانیان گەیشتوونەتە شوێنی رووداوەکە و دەستیان بە لێکۆڵینەوە کردووە بۆ زانینی هۆکار و چۆنیەتیی رووداوەکە.
کۆمێنت (0)
تا ئێستا هیچ کۆمێنتێک نەکراوە.