بەهۆی بەردەوامی جەنگی ئیسرائیل و ئێران، ئێوارەی ئەمڕۆ پێنجشەممە نرخی هەر بەرمیلێك نەوت لە بازاڕەكانی جیهان گەیشتە سەرووی 79 دۆلاری ئەمەریكییەوە.
ئەم ئێوارەیە لە بازاڕەكانی جیهان نرخی هەر بەرمیلێك نەوتی برێنت بە ڕێژەی 3.85% بەرزبووە و گەیشتە 79.01 دۆلار.
بەهەمانشێوە نرخی نەوتی خاوی تێكساسی ئەمەریكیش بەرزبووەوە و 2.81% رێژەكەی هاتە سەر و ئێستا هەر بەرمیلێكی بە 75.47 دۆلار مامەڵەی پێوە دەكرێت.
ئەم بەرزبوونەوەی نرخی نەوت لە بازاڕەكانی جیهان ماوەی چەند رۆژێكە بەردەوامە و لە ئەنجامی دەستپێكردنی جەنگی ئیسرائیل و ئێرانەوەیە بەتایبەت كە ئێستا ترس هەیە ئەمەریكاش بێنە نێو جەنگەكە و بۆردومانی دامەزراوە ئەتۆمییەكانی ئێران بكات.
کۆمێنت (0)
تا ئێستا هیچ کۆمێنتێک نەکراوە.