كەمێك پێش ئێستا كۆبوونەوە تایبەتەكەی ئەنجوومەنی نوێنەرانی عێراق بۆ گفتوگۆی شەڕی ئیسڕائیل و ئێران كۆتایی هات.
بەگوێرەی فەرمانگەی راگەیاندنی ئەنجوومەنی نوێنەرانی عێراق لە كۆبوونەوەكەدا چەند بڕیارێك دران كە بریتین لە:
یەكەم/ گەلی عێراق پشتگیری لە گەلی ئێران دەكات لەبەرامبەر هێرشەكانی ئیسڕائیل.
دووەم/ بەهەموو شێوەیەك بەكارهێنانی ئاسمانی عێراق لەلایەن ئیسڕائیلەوە بۆ هێرشكردنە سەر ئێران رەت دەكرێتەوە.
سێیەم/ پەسندكردنی هەوڵەكانی حكوومەتی عێراق بۆ رێگریكردن لە دووبارە پێشێلكردنەوەی ئاسمانی عێراق لەسەر ئاستی هەرێمی و نێودەوڵەتیدا.
چوارەم/ یەكڕیزی لە ناوخۆی عێراق لەبەرامبەر هەر پێشهاتێكی هەرێمی و نێودەوڵەتیدا.
کۆمێنت (0)
تا ئێستا هیچ کۆمێنتێک نەکراوە.