ئەمشەو چوارشەممە نرخی نەوت لە بازاڕەكانی جیهان بەشێوەیەكی بەرچاو بەرزبووەوە، دوای بڵاوبوونەوەی هەواڵی كشانەوەی كارمەندانی باڵیۆزخانەی ئەمەریكا لە بەغدای پایتەختی عێراق و بەشێك لە وڵاتانی رۆژهەڵاتی ناوەڕاست.
لەگەڵ بڵاوبوونەوەی هەواڵەكە، نرخی نەوت لە بازاڕەكانی جیهان بە ڕێژەی نزیكەی 5% بەرزبووەوە.
كەمێك پێش ئێستا نرخی هەر بەرمیلێك نەوتی برێنت 2.90 دۆلاری هاتە سەر، واتە بەڕێژەی 4.34% بەرزبووە و ئێستا بە 69.77 دۆلار مامەڵەی پێوە دەكرێت.
بەهەمانشێوە نرخی نەوتی تێكساسی ئەمەریكیش بەرزبووەوە، هەر بەرمیلێك 3.17 دۆلاری هاتە سەر و بە ڕێژەی 4.88% بەرزبووەوە و ئێستا بە 68.15 دۆلار مامەڵەی پێوە دەكرێت.
لە مانگی نیسانی رابردووەوە ئەمە یەكەمجارە نرخی نەوت لە بازاڕەكانی جیهان بگاتە ئەم ئاستەی ئێستای.
کۆمێنت (0)
تا ئێستا هیچ کۆمێنتێک نەکراوە.