دوو هاووڵاتیی خەڵکی بەغدا لە کاتی گەڕانەوەیان بۆ بەغدا بە ئۆتۆمبێلەکەیان بە دەروازەی شارۆچکەی خورماتوودا دەکێشن و گیان لەدەست دەدەن.
ئەمرۆ سێشەممە 10ـی حوزەیرانی 2025، ئۆتۆمبێلی گەشتیارێکی خەڵکی بەغدا لەکاتی گەڕانەوە خۆی دەکێشێت بە دەروازەی خورماتوو و لە ئەنجامدا خۆی و سەرنشینێک گیان لەدەست دەدەن.
هەڵۆ جەباری پەیامنێری کورستان تیڤی لە شوێنی رووداوەکە دەڵێت: "پیکاب نیسانێک لە شارۆچکەی خورماتوو کۆنترۆڵ لە دەست دەدات و خۆی بە دەروازەی شارۆچکەکەدا دەکێشێت و هەردوو سەرنشینەکەی گیان لەدەست دەدەن".
بەگوێرەی زانیارییەکانی پەیامنێری کوردستان تیڤی، هاووڵاتییەکان خەڵکی بەغدان و لە یەک خێزانن، بۆ گەشت هاتبوون بۆ کوردستان و لە کاتی گەڕانەوەیان تووشی ئەم رووداوە بوون.
کۆمێنت (0)
تا ئێستا هیچ کۆمێنتێک نەکراوە.