ماوەی زیاتر لە كاتژمێرێكە ئاگرێكی گەورە لە لە گوندێكی سنووری باڵەكایەتی كەوتۆتەوە و تیمەكان خەریكی كۆنتڕۆڵكردنی ئاگرەكەن.
ئاگرەكە لە کاتژمێر 8:40 خولەکی ئەمشەو بەهۆکارێکی نادیار لە پووش و پاوانی سنووری گوندی رەزان لە سنووری شارەدێی گەڵاڵەی دەڤەری باڵەکایەتی کەوتۆتەوە، بەهۆی بایەکی بەهێز ئاگرەکە بەرەو تەشەنەکردن دەڕوات.
محەمەد مەحموود بەڕێوەبەری شارەدێی گەڵاڵە بە (تۆڕی میدیایی کوردستان)ی راگەیاند: سێ تیمی بنکەی بەرگریی شارستانی چۆمان، قەسرێ، سمیلان گەیشتوونەتە شوێنی ئاگرەکە و لەگەڵ خەڵکی ناوچەکە خەریکی کۆنتڕۆڵکردنی ئاگرەکەن، بەڵام بەهۆی بایەکی بەهێز کۆنتڕۆڵکردنی ئاگرەکە زەحمەت بووە.
سەبارەت بە زیانگەیاندن بە وێستگەی کارەبای رەزان، بەڕێوەبەری شارەدێی گەڵاڵە رایگەیاند: وێستگەی کارەبا هیچ زیانێکی بەرنەکەوتووە، تیمەکان هەر زوو فریای ئەو شوێنە کەوتوون.
ئاماژەی بەوەش دا، ئەگەر ئاگرەکە زیاتر تەشەنە بکات داوای تیمی زیاتر لە ئیدارەی سەربەخۆی سۆران و بەڕێوەبەرایەتی بەرگریی شارستانی سۆران دەکەن.
باڵەكایەتی / کەریم سمکۆ
کۆمێنت (0)
تا ئێستا هیچ کۆمێنتێک نەکراوە.