ئەمڕۆ دووشەممە لە چەند ناوچەیەكی پارێزگای دیالە خۆپیشاندانی هاووڵاتییان دەستی پێ كرد بەهۆی نەبوونی خزمەتگوزارییە سەرەتاییەكان و وزەی كارەبا.
میدیاكانی پارێزگای دیالە بڵاویان كردەوە: لە چوار ناوچەی سەنتەری پارێزگای دیالە سەدان هاووڵاتی رژاونەتە سەر شەقام و دەستیان بە خۆپیشاندان كردووە، هاووڵاتییان بۆ ماوەی چەند كاتژمێرێك بەشێك لە شەقامەكانیان گرتووە و تایەی ئۆتۆمبێلیان سوتاندووە.
خۆپیشاندەران داوای بەپەلەی خزمەتگوزارییە سەرەتاییەكان و وزەی كارەبایان لە بەرپرسانی پارێزگاكە كردووە.
خۆپیشاندەران هەروەها داوایان لە فەرمانگە پەیوەندارەكانی پارێزگاكەیان كردووە چارەسەری بەپەلە بۆ كێشە و گرفتەكان بكەن و بۆ ئەم مەبەستەش چەند رۆژێك مۆڵەتیان پێداون، بەپێچەوانەوە ئەگەر كێشەكان چارەسەر نەكرێن خۆپیشاندانەكان فراوانتر دەكەن.
کۆمێنت (0)
تا ئێستا هیچ کۆمێنتێک نەکراوە.