کەشناسی: پلەی گەرما جێگیرە و ئەگەری خۆڵبارین هەیە

بەڕێوەبەرایەتیی کەشناسی هەرێمی کوردستان پێشبینی دەکات ئەمڕۆ ئاسمانی هەرێمی کوردستان پەڵە هەور بێت و ئێوارە خۆڵبارین دەستپێبکات.

رۆژی شەممە 24ـی ئایاری 2025، بەڕێوەبەرایەتیی کەشناسی و بومەلەرزەزانی هەرێمی کوردستان پێشبینییەکانی بۆ کەشوهەوای 48 کاتژمێری داهاتووی هەرێمی کوردستان خستەڕوو.

بەگوێرەی پێشبینییەکانی ئەو بەڕێوەبەرایەتییە؛ "ئەمڕۆ ئاسمان پەڵە هەورو نیمچە هەور دەبێت و لە ناوچە شاخاویەکانی باکوری رۆژهەڵاتی هەرێم ئەگەری کەمێک باران و هەورە تریشقە هەیە".

بەڕێوەبەرایەتیی کەشناسی و بومەلەرزەزانی هەرێمی کوردستان دەڵێت؛ خێرایی با لە رۆژهەڵاتی هەرێمی کوردستان دەبێتە هۆی بەرزبوونی کەمێک تۆز و خۆڵ لە ناوچەکەدا و پلەکانی گەرما هیچ گۆڕانکارییەکیان بەسەردا نایەت".

لەبارەی پێشبینییەکانی بۆ رۆژی یەکشەممە 25ـی ئایاری 2025، بەڕێوەبەرایەتی کەشناسی رایگەیاندووە؛ "ئاسمان بە گشتی ساماڵ دەبێت لەگەڵ دروسبوونی هەندێ پەڵە هەور لە دوای نیوەرۆ و پلەی گەرما کەمێک نزم دەبێتەوە بە بەراوورد لە تۆمارکراوەکانی ئەمڕۆ".

بەرزترین پلەکانی گەرمای پێشبینیکراو لە شار و شارۆچکەکانی کوردستان:

هەولێر : 39 پلەی سیلیزی

سلێمانی : 37 پلەی سیلیزی

دهۆک : 36 پلەی سیلیزی

کەرکوک : 41 پلەی سیلیزی

زاخۆ : 37 پلەی سیلیزی

هەڵەبجە : 39 پلەی سیلیزی

سۆران : 36 پلەی سیلیزی

حاجی ئۆمەران :25 پلەی سیلیزی

گەرمیان : 43 پلەی سیلیزی