سەرلەئێوارەی ئەمڕۆ پێنجشەممە لە ئەنجامی رووداوێكی هاتوچۆ لەسەر رێگای كەلار، سێ كەس سوتان و گیانیان لەدەست دا و كەسێكی دیكەش بە سەختی بریندار بوو.
بەڕێوەبەرایەتی هاتوچۆی گەرمیان لەبارەی رووداوەكە رایگەیاند: ئەمڕۆ پێنجشەممە لەسەر ڕێگای کەلار - باوەنووڕ لە نزیک گوندی قولە بەرز، ئۆتۆمبێلێکی جۆری تۆیۆتا کراون بە ئاراستەی شارەدێی باوەنووڕ ڕۆیشتووە کۆنترۆڵی لەدەست داوە و وەرگەڕاوە.
راشیگەیاند: لە ئەنجامی رووداوەكە سێ کەس سوتان و گیانیان لە دەستداوە و کەسێكی دیكەش بریندار بووە.
هەروەها رایگەیاند: بریندارەکە بۆ وەرگرتنی چارەسەر ڕەوانەی نەخۆشخانە کراوە .
بەڕێوەبەرایەتی هاتوچۆی گەرمیان ئاماژەی بەوەش دا كە لەلایەن تیمی هاتوچۆ لێکۆڵینەوە لە ڕووداوەکە دەستی پێ کردووە.
کۆمێنت (0)
تا ئێستا هیچ کۆمێنتێک نەکراوە.