بەڕێوەبەرایەتیی کەشناسی و بومەلەرزەزانی هەرێمی کوردستان پێسبینی دەکات ئەمڕۆ هەور و نمەباران بێت و ئێوارە خۆڵبارین دەستپێبکات و دەڵێت لە کەرکووک و گەرمیان رێژەی خۆڵبارینەکە زیاتر دەبێت.
رۆژی سێشەممە 13ـی ئایاری 2025 بەڕێوەبەرایەتیی کەشناسی و بومەلەرزەزانی هەرێمی کوردستان پێشبینییەکانی بۆ کەشوهەوای 48 کاتژمێری داهاتوو لە هەرێمی کوردستان خستەڕوو و رایگەیاند، گەرما نزیکەی جوار پلە دادەبەزێت.
ئەو بەڕێوەبەرایەتییە لەبارەی پێشبینییەکانی بۆ کەشوهەوای ئەمڕۆ بڵاویکردووەتەوە؛ "ئاسمان لە نێوان هەور و نیمچە هەور دەبێت لەگەل بارینى نمە بارنێکى کەم و بروسکە بەتایبەت لەناوچە شاخاوویە سنووریەکانی باکوور".
زیاتر روونیکردووەتەوە؛ "ئێوارە و شەو تۆز و خۆڵ بەرزدەبێتەوە، بەتایبەتیش لە ناوچەکانى کەکووک و گەرمیان ڕێژەى تۆز زیاتر دەبێت .
لەبارەی پلەکانی گەرما، بەڕێوەبەرایەتی کەشناسی پێشبینی کردووە؛ "گەرما 2 بۆ 4 پلە نزم دەبیتەوە" و دەشڵێت؛ لەناوچە شاخاوویەکان بەراوورد بە تۆمارکراوەکانى دوێنێ کەمێک زیاتر نزم دەبێتەوە.
بەڕێوەبەرایەتیی کەشناسی و بومەلەرزەزانی هەرێمی کوردستان پێسبینی دەکات سبەی چوارشەممە 14ـی ئایار؛ "ئاسمان نیمچە هەور بێت و لە سنوورى ناوچە شاخاوییەکانى پارێزگاى هەولێر و دهۆک لە زۆربەى کاتەکان هەورى تەواو دەبێت و لەگەڵ ئەگەرى پروشکە باران لە سنوورى ناوچە شاخاوییەکانى ئەم دوو پارێزگایە لەگەڵ ئەگەرى تاوە بارانى کورت خایەن و هەورە تریشقە".
زیاتر روونکراوەتەوە؛ لەئەنجامى بەردەوامى ئەم ناسەقامگیرییەى هەیە لە کەشى ناوچەکەمان ئەگەرى زیادبوونى خێراى با لە سنوورى پارێزگاى سلێمانى و هەڵەبجە هەیە و لەسەرجەم ناوچەکەمان ئەگەرى بەرزبوونەوەى تۆزوخۆڵى کەم هەیە کە هەندێ کات لەگەڵ باران تێکەڵ دەبێت .
ئەمڕۆ پلەکانی گەرما لە شار و شارۆچکەکانی کوردستان بەم شێوەیە دەبێت:
هەولێر : 30 پلەی سیلیزی
سلێمانی : 29 پلەی سیلیزی
دهۆک : 27 پلەی سیلیزی
کەرکوک : 35 پلەی سیلیزی
زاخۆ : 26 پلەی سیلیزی
هەڵەبجە : 31 پلەی سیلیزی
سۆران : 24 پلەی سیلیزی
حاجی ئۆمەران : 16 پلەی سیلیزی
گەرمیان :36 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.