لە شەقامی 100م هەولێر لە ئەنجامی پێکدادانی دوو ئۆتۆمبێل کەسێک مرد و پێنج کەسی دیکەش بریندار بوون.
ئەمڕۆ دووشەممە 12ی ئایاری 2025، شاخەوان سەعید گوتەبێژی بەرگری شارستانی هەولێر بە دیجیتاڵ میدیای کوردستان تیڤی ڕاگەیاند: لە ئەنجامی پێکدادانی ئۆتۆمبێلێکی تەکسی و ئۆتۆمبێلێکی تایبەت لە شەقامی 100م نزیک فرۆکەخانەی هەولێر کەسێک مرد و 5 کەسی دیکەش بریندار بوون.
گوتیشی، دوای ئەوەی ئاگادار کراینەوە لە رووداوەکە تیمەکانمان بە زووترین کات گەیشتنە شوێنی رووداوەکە و خۆشبەختانە توانیمان ئەو هاوڵاتییانەی لەناو ئۆتۆمبێلەکە گیریان خواردبوو دەریان بهێنین و رەوانەی نەخۆشخانەی فریاکەوتنی هەولێریان بکەین.
لە بارەی برینداران گوتی تا ئێستا دۆخی برینداران جێگیرە و بە گوتەی نەخۆشخانە هیچ ئاماژەیەک نییە گیانیان لە مەترسیدابێت، سەبارەت بە مردووەکەش گوتی لەگەڵ روودانی رووداوەکە دەستبەجێ گیانی لەدەستداوە.
کۆمێنت (0)
تا ئێستا هیچ کۆمێنتێک نەکراوە.