پەیاما سەرۆك بارزانی ب هەلكەفتا سی و دوو ساڵیا دامەزراندنا بنگەهێ لالش

بناڤێ خودایێ مەزن و دلۆڤان

ب هەلکەفتا سی و دوو ساڵیا دامەزراندنا بنگەهێ لالش پیرۆزباهیێن خۆ ئاراستەی سەرۆک و ئەندامێن دەستەیا بلند و ئەندام و کادرێن بنگەهێ لالش و هەمی خوشک و برایێن ئێزدی دکەم. بنگەهێ لالش د سالێن بووریدا ب ڕێكا كارێت بەرچاڤ و كۆنفڕانس و پڕۆژە و ڤیستیڤالێت دەولەمەند و چاپكرنا پەرتوكا و هاریكاریكرنا هەزاران ڕزگاربویێت دەستێ داعش و چەندین كارێت ڕۆشنبیری و ڕاگەهاندن و هونەری خزمەتەكا بەرچاڤ پێشكەشی جڤاكا ئێزدیان و پاراستنا نەریت و كولتوورێ گەلێ كوردستانێ كریە.

هەر ب ڤێ هەلكەفتێ دەستخۆشیێ ل ئەرك و ماندیبوونا سەرۆک و ئەندامێن دەستەیا بلند و ئەندام و کادرێن بنگەهێ لالش دكەم و هیڤییا بەردەوامیێ و پێشکەفتنێت پتر بۆ بنگەهێ لالش و هیڤییا ئارامی و خۆشیێ بۆ هەمی خوشک و برایێن ئێزدی دخوازم.

بمینن د خێر و خۆشیاندا