سەرۆكی هەرێمی كوردستان پیرۆزبایی لە خەڵكی هەڵەبجە و تەواوی هەرێمی كوردستان كرد بەبۆنەی دەنگدان بە پڕۆژەیاسای بەپارێزگابوونی هەڵەبجە لە ئەنجوومەنی نوێنەرانی عێراق و لەمبارەیەوە رایگەیاند، ناساندنی ئەو شارە وەك پارێزگا كەمترین پاداشتی قوربانی و ئێش و ئازاری خەڵكی تێكۆشەرەكەیتی.
نێچیرڤان بارزانی سەرۆكی هەرێمی كوردستان لە پەیامە پیرۆزباییەكەدا رایگەیاند "به بۆنهى دهنگدان و پهسهندكردنى ئهمڕۆى ئهنجوومهنى نوێنهرانى عێراقهوه لهسهر بهپارێزگابوونى ههڵهبجه، به گهرمى پيرۆزبايى له خهڵكى ههڵهبجه و تهواوى ههرێمى كوردستان دهكهم. سوپاس و پێزانين و دهستخۆشى پێشكهش به ئهنجوومهنى نوێنهرانى عێراق و ههموولايهك له ههرێمى كوردستان و عێراق دهكهم كه لهم پرۆسه درێژهدا هاوكار و يارمهتيدهرمان بوون. ئهمه مايهى ئهوپهڕى خۆشحاڵيى ئێمه و تهواوى گهلى كوردستانه".
نێچیرڤان بارزانی راشیگەیاند "بۆ خزمهتكردنى باشترى خهڵكى ههڵهبجه، ئێمه ههر زوو له ههرێمى كوردستان پرۆسهى بهپارێزگاكردنى ههڵهبجهمان دهست پێ كرد، تهواوبوونى ئهمڕۆى ڕێكارهكانى له عێراق و به فهرمى ناساندنى وهك پارێزگا، كهمترين پاداشتى قوربانى و ئێش و ئازارى ههڵهبجه و خهڵكه تێكۆشهرهكهيهتى".
سەرۆكی هەرێم راشیگەیاند "هيوادارين بڕیارەكە ببێته هۆى باشتربوونى ژيان و گوزهران و بووژانهوه و گهشانهوه و پێشكهوتنى ههڵهبجه له ههموو بوارهكاندا. ئهركى ههموولايهكمانه بێ درێغيكردن، ئهوپهڕى خزمهتى ههڵهبجه بكهين".
لە كۆتاییدا نێچیرڤان بارزانی سەرۆكی هەرێمی كوردستان ئاماژەی بەوە دا "ههر لهم بۆنهيهدا به ڕێز و پێزانينهوه شههيدانى ههڵهبجه و تهواوى كوردستان بهبير دههێنينهوه و دروود و سڵاو بۆ گيانى پاكيان دهنێرين".
کۆمێنت (0)
تا ئێستا هیچ کۆمێنتێک نەکراوە.