ئه‌مڕۆ چوارشه‌ممه 2ی نیسانی 2025 میدیای 24 نیوزی ئیسرائیلی ڕایگه‌یاندووه ، بڕیار وایه له سه‌ردانه‌كه‌ی دۆناڵد تره‌مپ سه‌رۆكی ئه‌مه‌ریكا بۆ سعودیه له‌سه‌ر داوای شانشینی جێنشینی سعودیه محه‌مه‌د بن سه‌لمان بڕیار وایه دۆناڵد تره‌مپ چاوی به ئه‌حمه‌د شه‌رعیش بكه‌وێت .
پێگه‌ی 24 نیوزی ئیسرائیلی ئه‌وه‌شی خستووه‌ته‌ڕوو ، تره‌مپ به داواكه‌ی محه‌مه‌د بن سه‌لمان ڕازی بووه و چاوه‌ڕێ ده‌كرێت له چه‌ند ڕۆژی داهاتوودا له‌ڕووی پڕۆتۆكۆڵیه‌وه به فه‌رمی ئه‌حمه‌د شه‌رع سه‌رۆكی ڕاگوزه‌ری سووریا له‌وه ئاگادار بكرێته‌وه تا له‌ڕۆژی هاتنی تره‌مپ بۆ سعودیه ئه‌ویش ئاماده بیت .
به‌گوێره‌ی زانیاره‌كان چاوپێكه‌وتنی دۆناڵد تره‌مپ له‌گه‌ڵ ئه‌حمه‌د شه‌رع تایبه‌ت ده‌بێت به گفتوگۆ كردن له‌باره‌ی پێكهێنانی حكوومه‌تی تازه‌ی سووریا و به‌شداری پێكردنی پێكهاته‌كان له بڕیارداندا به‌تایبه‌تی كورد ،ئه‌وه‌ش له‌پێناو سه‌قامگیری سیاسی و كۆمه‌ڵایه‌تی له داهاتوودی سووریادا .
بڕیار وایه له هه‌فته‌ی داهاتوودا له سه‌ردانێكی پڕۆتۆكۆڵی گرنگدا دۆناڵد تره‌مپ سه‌ردانی سعودیه بكات و له‌گه‌ڵ گه‌وره به‌رپرسانی وڵاته‌كه كۆ ببێته‌وه ، بۆ مه‌به‌ستی هاوبه‌شی زیاتری سیاسی و بازرگانی له نێوان هه‌ردوو وڵاتدا .
کۆمێنت (0)
تا ئێستا هیچ کۆمێنتێک نەکراوە.