بەڕێوەبەرایەتی خزمەتگوزاری و ژینگەپارێزی هەولێر ئاشكرای دەكات كە لە ماوەی سێ رۆژی جەژنی رەمەزاندا، نزیكەی 5 هەزار تۆن زبڵ و خاشاك لە هەولێر كۆكراوەتەوە و براونەتە زبڵخانەی كانی قرژاڵە.
بەڕێوەبەرایەتییەكە لە خستنەڕووی ئامارەكانی سێ رۆژی جەژنی رەمەزان دەڵێت "چارەسەرکردن و داپۆشینی زبڵ و پاشماوەکان لە زبڵخانەی کانی قرژاڵە، بۆ هەرسێ رۆژ (6956 تۆن) زبڵ و خاشاک ژێرخاک کراوە".
هەروەها دەڵێت "کۆکردنەوەی زبڵ و پاشماوە لە سنووری سەرۆکایەتی شارەوانی هەولێر لە هەرسێ رۆژی جەژن (4860 تۆن) کۆکراوەتەوە".
ئاماژە بەوەش دەكات "لە شەوی جەژن وەکو ئامادەکاری بۆ جەژن لە هەموو بازاڕەکانی شار هەولێر کاری خاوێنکردنەوە کراوە، تا دوای داخستنی دوکانەکان پاشماوەکانیان پاککراوەتەوە، شەقامەکانیش خاوێنکراوەتەوە، (957 تۆن) زبل و پاشماوە رەوانەی زبڵخانەی کانی قرژالە کراوە".
دەشڵێت "ئەوە جگە لە کارە بەردەوامەکانی بەرێوەبەرایەتی خزمەتگوزاری و ژینگەپارێزی لە دابینکردنی خۆراکی رۆژانە بۆ شەڵتەری ئاژەڵە بێلانەکانی هەولێر".
کۆمێنت (0)
تا ئێستا هیچ کۆمێنتێک نەکراوە.