ئه‌مڕۆ هه‌ینی 28-3-2025 ڕەجەب تەیب ئەردۆغان سەرکۆماری تورکیا، لە پەیوەندییەکی تەلەفۆنییدا لەگەڵ ڤلادیمێر پوتین سەرۆکی ڕووسیا، ، ئاماژەی بەوە کرد کە پێویستە سەرچاوەکانی هێز له سووریا بۆ حکوومەتی سووریا جێبهێڵدرێت.
ئه‌ردۆغان بۆ پووتین ئه‌وه‌شی خستووه‌ته‌ڕوو، تورکیا پشتیوانی لە هەڵوەشاندنەوەی هێزی " سوریای دیموکرات" ده‌كات بۆ چوونە ناو حکوومەتی ناوەندی سووریا له داهاتوودا ، کە گرنگییەکی زۆری هەیە بۆ سەقامگیریی سووریا له قۆناغی حكوومڕانی داهاتووی وڵاته‌كه‌دا.
ئاژانسی هه‌واڵی (ئه‌نادۆڵی )توركیا بڵاویكردووه‌ته‌وه ، هه‌ر بەپێی ڕاگەیاندراوی سەرۆکایەتی فەرمانگەی پەیوەندییەکان لە سەرۆکایەتی کۆماری تورکیا، ئەردۆغان لەو پەیوەندیە تەلەفۆنییەی لەگەڵ پوتین ئەنجامیداوه، پەیوەندیە دووقۆڵییەکانی تورکیا و ڕووسیا و پرسە هەرێمیی و جیهانییەکانی تاوتوێ کراوە .
ئەردۆغان بۆ پووتین ئاشكراشی كردووه ، تورکیا لە نزیکەوە چاودێری ئەو پرۆسەیە دەکات کە بۆ کۆتایی هاتنی جەنگی بەردەوامی نێوان ڕووسیا-ئۆکراینا دەستیپێکردووە ، لە پێناو دەستەبەر کردنی ئاشتییەکی شکۆمەند و هەمیشەییدا تورکیا ئامادەی هەر جۆرە پشتیوانییەکە بۆ سه‌رخستنی پرۆسه‌كه .
کۆمێنت (0)
تا ئێستا هیچ کۆمێنتێک نەکراوە.