وه‌زاره‌تی دارایی و ئابووری حكوومه‌تی هه‌رێمی كوردستان كاتژمێر 3ی دوای نیوه‌ڕۆی ئه‌مرۆ چوارشه‌ممه 26-3-2025 له ڕاگه‌یاندراوێكدا رایگه‌یاند، به‌غدا ته‌واوی مووچه‌ی مانگی سێی مووچه‌خۆرانی هه‌رێمی كوردستانی نارد .
ئه‌مه‌ش ده‌قی ڕاگه‌یاندراوه‌كه‌یه..
کەمێک لەمەوبەر بڕی ( 954،880،467،779 ) نۆ سەدو پەنجاو چوار ملیار و هەشت سەدو هەشتا ملیۆن و چوار سەدو شەست و حەوت هەزارو حەوت سەدو حەفتاو نۆ دینار وەک تەموویلی مووچەی مانگی ئازاری مووچەخۆران و فەرمانبەران و خانەنشینانی هەرێمی کوردستان، لەلایەن وەزارەتی دارایی حکومەتی فیدراڵەوە خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عێراق. سبەی پێنج شەممە 27 ی ئازاری 2025 دەست بەدابەشکردنی مووچەی مانگی ئازار دەکرێت.
تیبینی؛
١-ئەو مووچەخۆرانەی لە ڕێی پرۆژەی هەژماری منەوە مووچە وەردەگرن ڕاستەوخۆ پارە دەخرێتە سەر هەژمارەکانیان و لەڕێگای کورتەنامەوە ئاگادار دەکرێنەوە.
٢- ئەو مووچە خۆرانەی بەشێوەی کاش مووچە وەردەگرن، دوای گواستنەوەی پارە بۆ بانکەکان لە کەمترین ماوەدا ،ڕاستەوخۆ دەست بەدابەشکردنی مووچەکانیان دەکرێت.
ڕاگەیاندنی وەزارەتی دارایی و ئابووری
26ی ئاداری 2025
کۆمێنت (0)
تا ئێستا هیچ کۆمێنتێک نەکراوە.