ئەو تۆمەتبارانەی شەوی رابردوو لە سەنتەری شاری كەركووك تەقەیان لە پزیشكێك كردبوو، دوای چەند كاتژمێرێكی كەم لە ئەنجامدانی تاوانەكە سەرجەم تۆمەتبارەكان دەستگیركران.
پۆلیسی كەركووك بڵاوی كردەوە: شەوی رابردوو لە نزیك شەقامی باڵەخانەی پارێزگای كەركووك، چەند كەسێك بە سواری ماتۆڕسكیل تەقەیان لە پزپشكێكی ددان كرد دوای ئەوەی لە نۆرینگە تایبەتییەكەی هاتبووە دەرەوە.
بڵاویشی كردەوە: دوای ئەنجامدانی تاوانەكە هێزەكانی پۆلیس راسپێردران بۆ دەستگیركردنی تاوانباران.
هەروەها بڵاوی كردەوە: دوای تێپەڕبوونی تەنیا 6 كاتژمێر توانرا تۆمەتباری سەرەك و تەقەكەرەكە دەستگیر بكرێت و دەستبەسەر ماتۆڕسكیلەكەش بگیرێت.
پۆلیسی كەركووك جەختیشی كردەوە كە لەگەڵ تۆمەتبارە سەرەكییەكە، دوو كەسی دیكەش دەستگیركران كە دەستیان هەبوو لە ئەنجامدانی تاوانەكەدا.
کۆمێنت (0)
تا ئێستا هیچ کۆمێنتێک نەکراوە.