جێگری سەرۆكی ئەنجوومەنی نوێنەرانی عێراق ئاشكرای دەكات كە رەزامەندییان وەرگرتووە سبەی سێشەممە لە پەرلەمانی عێراق دەنگ بە پڕۆژەیاسای بەپارێزگابوونی هەڵەبجە بدرێت.
د. شاخەوان عەبدوڵا جێگری سەرۆكی ئەنجوومەنی نوێنەرانی عێراق رایگەیاند: بەسوپاسەوە ڕەزامەندی سەرۆکی پەرلەمان و جێگری یەکەمی سەرۆکی پەرلەمانمان وەرگرتووە بۆ ئەوەی دەنگدان لەسەر پرۆژەیاسای بەپارێزگابوونی هەڵەبجە بخرێتە بەرنامەی کاری پەرلەمانەوە بۆ دانیشتنی سبەی سێشەممە.
راشیگەیاند: بەوەش داواكەی سەرۆک بارزانی لە سەرۆکایەتی پەرلەمان و ئەو بەڵێنەی دابوومان بە نوێنەر و کەسایەتییەکانی هەڵەبجە جێبەجێ کرا.
د. شاخەوان عەبدوڵا جەختیشی كردەوە كە لەگەڵ فڕاکسیۆنەکانی ناو پەرلەمانی عێراقیش قسەیان کردووە بۆ ئەوەی پرۆژەیاسای بەپارێزگابوونی هەڵەبجە تێپەڕێنرێت.
کۆمێنت (0)
تا ئێستا هیچ کۆمێنتێک نەکراوە.