Erbil 20°C ھەینی 04 نیسان 10:36

كاركردن له‌ پرۆژه‌ى تۆڕى ئاوى خواردنه‌وه‌ له‌ شارى هه‌ولێر به‌رده‌وامه‌

کوردستان TV
100%

كاركردن لە گەورەپرۆژەی دانان و دابەشکردنی تۆڕی ئاوی ناوخۆ لە هێڵە لاوەکییەکان و بەستنەوەی بە هێڵە سەرەکییەکانی پرۆژەی فریاگوزاریی خێرای گەیاندنی ئاو بۆ ناو شاری هەولێر بە باشی بەڕێوە دەچێت و بەرەوپێشچوونی زۆر باشی بەخۆیەوە دیوە.
پرۆژەی تۆڕی ئاو لە هەولێر، یەکێکە لە پرۆژە ستراتیژییەكانی حكومەت بۆ باشترکردنی سیستەمی دابەشكردنی ئاو و دابینکردنی ئاوی خاوێن بۆ دانیشتووانی شاری هەولێر كە درێژییەكەی 411 کیلۆمەترە و بە گوژمەی نزیكەی 25 ملیار دینار، لەسەر فەرمانی مەسرور بارزانی، سەرۆكی حكومەتی هەرێمی كوردستان جێبەجێ دەكرێت.
20ی شوباتی 2025 لەلایەن ساسان عەونی، وەزیری شارەوانی و گەشتوگوزار و ئومێد خۆشناو پارێزگاری هەولێر، بەردی بناغەی ئەو پرۆژەیە دانرا، كە سنووری هەر شەش شارەوانییەكەی شاری هەولێر و ژمارەیەك شارەوانیی دیكەی دەوروبەری هەولێر لێی سوودمەند دەبن.
لە ڕێوڕەسمی دانانی بەردی بناغەی پرۆژەكەدا، ساسان عەونی، وەزیری شارەوانی و گەشتوگوزار گوتی: ئەو پرۆژەیە بە یەكێك لە شاكارەكانی كابینەی نۆیەمی حكومەت و مەسرور بارزانی، سەرۆكی حكومەتی هەرێمی كوردستان دادەنرێت، بۆ خزمەتكردنی زیاتری دانیشتووانی شاری هەولێر و دەوروبەری.
شايانى باسه‌ بەهۆی ئەو پرۆژەیەوە زیاتر لە 1000 بیری ئاوی خواردنەوە لە شاری هەولێر و دەوروبەری دادەخرێن و زیاتر لە 248 هەزار ماڵ لێی سوودمەند دەبن، كە 63 هەزار هاوبەشیان لە دەرەوەی شاری هەولێرن.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.