سبه‌ی له‌ هه‌ولێر به‌بۆنه‌ی هاتنی نه‌ورۆز چ ڕێوڕه‌سمێك ئه‌نجام ده‌درێت ..؟  

له‌ چوارچێوه‌ی ئاماده‌كارییه‌كان بۆ هاتنی جه‌ژنی نه‌ته‌وه‌یی نه‌ورۆز بڕیار وایه‌ سبه‌ی پێنجشه‌ممه‌ 20-3-2025 له‌ كاتی ئێواره‌ ته‌نیا یه‌ك چاڵاكی فه‌رمی به‌ڕێوه‌ بچێت .

نه‌به‌ز عه‌بدولحه‌مید قایمقامی قه‌زای ناوه‌ندی هه‌ولێر ڕایگه‌یاند، به‌ له‌به‌رچاوگرتنی مانگی ڕه‌مه‌زان سبه‌ی پێنج شه‌ممه‌ 20-3-2025 هیچ چاڵاكییه‌كی هونه‌ری و كه‌لتووری به‌بۆنه‌ی هاتنی نه‌ورۆز به‌ڕێوه‌ ناچێت ،ته‌نیا به‌شێوه‌یه‌كی فه‌رمی ئاگر له‌سه‌ر قه‌ڵات ده‌كرێته‌وه‌ به‌ ئاماده‌بوونی پارێزگاری هه‌ولێر و به‌رپرسانی حیزبی و حكوومی و هاوڵاتتیانی شاری هه‌ولێر .  

قایمقامی قه‌زای ناوه‌ندی هه‌ولێر ئه‌وه‌شی خستووه‌ته‌ڕوو ، ئه‌گه‌ر چی له‌ ساڵانی ڕابردوو فێستیڤاڵی (به‌هار و نه‌ورۆز) به‌ڕێوه‌ ده‌چوو كه‌ بریتی بوو له‌ ئه‌نجامدانی چاڵاكی ئه‌ده‌بی و هونه‌ری و ڕۆشنبیری و كه‌لتووری ،به‌ڵام ئه‌مساڵ ئه‌و فێستیڤاڵه‌ ناكرێت به‌هۆی له‌به‌رچاو گرتنی دۆخی مانگی ڕه‌مه‌زانی پیرۆز .

نه‌به‌ز عه‌بدولحه‌مید ڕاشیگه‌یاندووه‌ ، ئاگركردنه‌وه‌ی فه‌رمی ته‌نیا له‌سه‌ر قه‌ڵات ده‌كرێت، هه‌ر كه‌س و هاوڵاتییه‌ك ببێته‌ هۆكاری پیس یوونی ژینگه‌ و ئاگر به‌ تایه‌و شتی تر بكاته‌وه‌ له‌ گه‌ڕه‌كه‌كان و له‌ناو شاری هه‌ولێر ڕووبه‌ڕووی یاسای ده‌كه‌ینه‌وه‌ .