نوخشە ناسیح لەدوای ئەوەی لەلایەن ئەنجوومەنی وەزیرانەوە وەک پارێزگاری هەڵەبجە دەستنیشان کرا، ئەمڕۆ چوارشەممە فەرمانی دەستبەکاربوونی وەک پارێزگاری هەڵەبجە بە وەکالەت بۆ دەرچوو.
نوخشە ناسیح لەمبارەیەوە رایگەیاند: ئەمڕۆ چوارشەممە لەلایەن وەزیری ناوخۆ و د. هێمن میرانی بەڕێوبەری دیوانی ناوخۆ پێشوازیمان لێ کرا و فەرمانی دەستبەرکاربوونمان وەک پارێزگاری هەڵەبجە بە وەکالەت وەرگرت.
بەمەش نوخشە ناسیح دوای دەستبەکاربوونی، دەبێتە یەکەم ژن لە هەرێمی کوردستان کە پۆستی پارێزگار وەردەگرێت.
بەپێی یاسای خانەنشینی نوێ کە لە عێراق و هەرێمی کوردستان پەیڕەو دەکرێت، ئازاد تۆفیق پارێزگاری پێشووی هەڵەبجە و جێگرەکەی شاهێن حەمە ڕەزا لە 31ـی کانوونی یەکەمی 2024 خانەنشین بوون و لەلایەن وەزارەتی ناوخۆی حكوومه‌تی هه‌رێمی كوردستانەوە ڕێگەیان پێدرابوو لەسەر پۆستەکەیان بەردەوام بن تاوەکو یەکلابوونەوەی پۆستی پارێزگاری هەڵەبجە.
هەفتەی ڕابردووش ئەنجوومەنی وەزیرانی هەرێمی کوردستان ڕەزامەندی ده‌ربڕی لەسەر دیاریكردنی نوخشە ناسیح قایمقامی ئێستای هەڵەبجە، وەک پارێزگاری نوێی هەڵەبجە بە وەکالەت بۆ ڕاییکردنی مامەڵە كارگێڕییه‌كانی سنووره‌كه.
کۆمێنت (0)
تا ئێستا هیچ کۆمێنتێک نەکراوە.