سەرلەبەیانی رۆژی 5 ی ئاداری 2025، شاندی پارتی بە سەردانی فەرمی لە وڵاتی چینە، لە یەکەم رۆژی بەرنامەی سەردانەکەدا، سەردانی(پەیمانگەی حزبی کۆمۆنیستی چین و پەیمانگەی بەڕێوەبردن لە شەنگەهای )کرد، لەلایەن بەڕێز: (وان یو جی) و هەڤاڵانیەوە پێشوازییەکی گەرمیان لێکرا، سەرەتا بەڕێز: (وان یوجی)، بەخێرهێنانی شاندەکەی کرد و دواتر پوختەیەک لەسەر دامەزراوەکەیانی باس کرد.
د. هێمن هەورامی سەرۆکی شاندی پارتی سوپاسی داوەت كردن و ئەو پێشوازییە گەرمەی کرد، داوای کرد کە شاندێکی پەیمانگەکە سەردانی کوردستان بکەن بۆ قولکردنەوەی پەیوەندییەکان و سوود وەرگرتی لە ئەزموونی سەرکەوتووی پەروەردە و پێگەیاندنی حزبی کۆمۆنیستی چینی.
لەتەوەری دووەمی سەردانەکەدا بۆ پەیمانگە سیمیناریێک لەلایەن بەڕێز:(د. هاو)، بە ناونیشانی(دەستکەوتەکانی وڵاتی چین، لە گەشەسەندنی خێرا بۆ گەشەسەندنی کوالیتی بەرز) پێشکەشکرا.
لەکۆتاییدا پرسیار و گفتوگۆ ڕاگۆڕینەوە ئەنجامدرا و دیاری لەلایەن هەردوو لایەنەوە پێشکەش بەیەك کرا.
شایەنی باسە لەسەر بانگێستی فەرمی وڵاتی چین، شاندێکی پارتی بە سەرۆکایەتی د.هێمن هەورامی گەشتە وڵاتی چین، لە فرۆکەخانەی شانگهای لە لایەن شاندێکی باڵای پەیوەندییەکانی دەرەوەی پارتی کۆمۆنیستی چین پێشوازی لە شاندەکەی پارتی کرا.
لە چوارچێوەی بەرنامە و دیدار و چاوپێکەوتن و کۆبوونەوە هاوبەشەکان لەگەل بەرپرسانی حکومەتی چین و مەکتەبی سیاسی و بەشەکانی ریکخستن و پەیوەندییەکانی پارتی کۆمۆنیستی چین ، بیرو ڕاو هەڵویستی هەردوو لا لەسەر زۆر بابەتی سیاسی و پەیوەندییە دوو قۆڵیەکانی نێوان پ.د.ک و پارتی کۆمۆنیستی چین ئاڵوگۆڕ کرا.
کۆمێنت (0)
تا ئێستا هیچ کۆمێنتێک نەکراوە.