مسته‌فا كازمی سه‌رۆكوه‌زیرانی پێشووتری عێراق رایگه‌یاند ، ئه‌وه‌ی تێبینی ده‌كه‌م جۆرێك له تێگه‌یشتنی شۆڤێنیانه هه‌یه له‌ناو دیدو بیركردنه‌وه‌ی به‌شێك له به‌رپرسانی باڵای عێراق به‌رامبه‌ر به مافه ده‌ستووری و نه‌ته‌وه‌ییه‌كانی كورد .
مسته‌فا كازمی سه‌رۆكوه‌زیرانی پیشووتری عێراق له میانی دیدارێكی تایبه‌تی ته‌له‌فزیۆنی له‌گه‌ڵ یه‌كێك له میدیا عێراقییه‌كان رایگه‌یاند ،كورد مافی خۆیه‌تی موماره‌سه‌ی مافه‌كانی خۆی بكات ، چونكه له ده‌ستووردا سیسته‌می فیدڕاڵی بۆ هه‌رێمی كوردستان به‌ڕوونی دیاره و له‌لای هه‌مووان په‌سه‌ند كراوه .
كازمی ئه‌وه‌شی خستووه‌ته‌‌ڕوو ، به‌داخه‌وه هێشتاش تێگه‌یشتنێكی شۆڤێنیانه له مێشكی به‌شێك له به‌رپرسانی باڵای عێراق هه‌یه به‌رامبه‌ر به مافه‌كانی كورد .كه به‌كه‌م سه‌یری خواست و داوا ره‌واكانی گه‌لی كورد ده‌كه‌ن ، به‌تایبه‌تی له‌م ساڵانه‌ی دواییدا له پێدانی شایسته داراییه‌كان به‌ڕوونی ئه‌وه بینرا .
مسته‌فا كازمی له‌میانی قسه‌كانیدا راشكاوانه ئه‌وه‌شی خسته‌ڕوو، پێویسته له هه‌نگاوه‌كانی داهاتوودا هه‌رێمی كوردستان و به‌غدا زیاتر له‌یه‌كتر نزیكببنه‌وه و نیازو متمانه‌ی یه‌كتر به‌رز ڕابگرن ،ئه‌ویش له‌پێناو درێژه‌دان به په‌یوه‌ندییه‌كانی نێوانیان بۆ قۆناغێكی باشتر له ئیستا .
کۆمێنت (0)
تا ئێستا هیچ کۆمێنتێک نەکراوە.