به پێی دواین ڕاپۆرتی ئیندێكس دیموكراسی بۆ پێوه‌ره‌كانی دیموكراسی كه ساڵانه له ئاستی جیهانیدا ئه‌نجامی ده‌دات ، بۆ ساڵی 2024 ڕیزبه‌ندییه‌كی بۆ 167 وڵاتی هه‌موو كیشوه‌ره‌كانی جیهان ئه‌نجامداوه و عێراق له ڕیزیه‌ندییه‌كه‌دا له پله‌كانی خواره‌وه ده‌بینرێ، له ریزبه‌ندی 126مین وڵاتی نا دیموكراسی پۆڵێنكراوه .
ئیندێكس دیموكراسی ده‌زگایه‌كی باوه‌ڕپێكراوی ئه‌ورووپییه ساڵانه له‌سه‌ر بنه‌ماكانی مافی مرۆڤ و ئازادییه‌كانی بواری سیاسی و ئاینی و ژیان كردن پێوه‌ره‌كان دیاری ده‌كات ،وڵاتی عێراق له ڕیزبه‌ندیه‌كه‌دا له پاڵ وڵاتانی ئه‌فریقا له 10 وڵاتی تاكڕه‌ودا ده‌بینرێت له ئاستی جیهانی له‌ڕووی نه‌بوونی پێوه‌ره‌كانی دیموكراسیدا .
هه‌ر له ریزبه‌ندیه‌كه‌ی ئیندێكس دیموكراسی بۆ ساڵی 2024 هاتووه ، وڵاتی نه‌رویج له پیشه‌نگی پێوه‌ره‌كه‌دا هاتووه به پله‌ی یه‌كه‌م ،له‌دوای ئه‌و نیوزلاند و فینلاندیش به پله‌ی دووه‌م هاتوون ، كۆریای باكوور و میانمار و ئه‌فغانستانیش له پله‌كانی خواری خواره‌وه‌ی ریزبه‌ندیه‌كه‌دا ده‌بینرێن .
له ئاستی وڵاتانی عه‌ره‌بیش ،وڵاتانی مه‌غریب و تونس وه‌كو ڕژێمی تێكه‌ڵاو له‌نێوان تاكڕه‌وی و دیموكراسی پۆڵێنكراون . وڵاتانی تری عه‌ره‌بیش به عێراقیشه‌وه به تاكڕه‌و پۆڵێنكراون .
به‌پێی دواین ڕاپۆرتی ئیندێكس دیموكراسی بۆ ساڵی 2024 پێوه‌ره‌كان و پله‌كانی وڵاتانی ئه‌ورووپا له ریزبه‌ندییه‌كه‌دا گۆرانكاری به‌سه‌ردا هاتوووه، به‌تایبه‌تی وڵاتانی فه‌ره‌نسا ، ئه‌ڵمانیا ،به‌ریتانیا ئه‌ویش به‌هۆی جیاوازی مامه‌ڵه‌كردنیان له‌گه‌ڵ ئازادییه‌كان به‌تایبه‌تی مامه‌ڵه‌كردنیان له‌گه‌ڵ دۆخی كۆچبه‌ره‌كانی بیانی .
کۆمێنت (0)
تا ئێستا هیچ کۆمێنتێک نەکراوە.