ئه‌نجوومه‌نی باڵای دادوه‌ریی له عێراق له تازه‌ترین ڕاپۆرتیدا داتاكانی جیابوونه‌وه‌ی هاوسه‌ران و ڕێژه‌ی ئه‌نجامدانی هاوسه‌رگیری خستووه‌ته‌ڕوو كه به فه‌رمی له دادگاكانی عێراق تۆماركراون ،به‌جۆرێك ته‌نیا له ماوه‌ی مانگی یه‌كی ئه‌مساڵدا 6 هه‌زار و 500 حاڵه‌تی جیابوونه‌وه له ئاستی هه‌موو عێراقدا له دادگاكاندا تۆماركراوه .
بەگوێرەی داتاکانی ئەنجوومەنی باڵای دادوەریی بۆ حاڵەتەکانی هاوسەرگیری و جیابوونەوە ته‌نیا بۆ مانگی یەکی ئەمساڵ، 29 هەزار و 119 گرێبەستی هاوسەرگیری به شێوه‌ی فه‌رمی لە دادگاکان تۆمارکراوە، هاوکات هەر لەو مانگه‌دا 6 هەزار و 448 حاڵەتی جیابوونەوەش تۆمار کراوە .
ئەنجوومەنی باڵای دادوەریی عێراق هه‌ر له ڕاپۆرته‌كه‌دا ئاشكرای كردووه، بە تێکڕا ڕۆژانە 939 گرێبەستی هاوسەرگیری و 208 حاڵەتی جیابوونەوە لە 16 دادگای پارێزگاکانی عێراق جگە لە هەرێمی کوردستان تۆمارکراوە .
به پێی داتاكانی ساڵانه‌ی ئه‌نجوومه‌نی باڵای دادوه‌ری له عێراق ،ساڵ به ساڵ ڕێژه‌كانی جیابوونه‌وه‌ی هاوسه‌ران زیاد ده‌بێت و ڕێژه‌ی ئه‌نجامدانی پرۆسه‌ی هاوسه‌رگیریش كه‌م ده‌بێته‌وه و پار ساڵێش له كۆی مانگه‌كانی ساڵی 2024دا 73 هه‌زار حاڵه‌تی جیابوونه‌وه له عێراقدا تۆماركراوه ،پسپۆرانی خێزانیش هۆكاره‌كه‌ی بۆ ناجێگیری دۆخی ئابووری خێزان ده‌گه‌ڕێننه‌وه كه نا یه‌كسانییه‌كی زۆر له داهاتی تاك و خێزان دا هه‌یه له عێراقدا ،ئه‌مه جگه له نه‌ڕه‌خساندنی ده‌رفه‌تی كار و دامه‌زراندن بۆ ده‌رچووانی زانكۆكان له عێراقدا .
کۆمێنت (0)
تا ئێستا هیچ کۆمێنتێک نەکراوە.