ئەمڕۆ دووشەممە هاووڵاتییەك لە خەلیفان بەهۆی بردنی سۆپا بۆ نێو حەمام و نەمانی ئۆكسجینەوە گیانلەدەست دەدات.
كاروان شێرزاد سرێشمەیی بەڕێوەبەری نەخۆشخانەی خەلیفان بە (كوردستان تیڤی) راگەیاند: ئەمڕۆ دووشەممە تەرمی هاووڵاتییەك بەناوی (جەواد زوبێر) گەیەنرایە نەخۆشخانەكەمان كە لە پشكنینە پزیشكییەكان دەركەوتبوو خنكاوە.
راشیگەیاند: خانەوادەی هاووڵاتییەكە ئاماژەیان بەوەداوە كە بەمەبەستی سەرشۆرین چووەتە حەمام و سۆپای لەگەڵ خۆی بردووە، بەهۆی نەمانی ئۆكسجین هەر لەنێو حەمام گیانی لەدەستداوە.
هەروەها رایگەیاند: ئەو كەسەی گیانی لەدەستداوە پێشمەرگەیە و دوای گەڕانەوەی بۆ ماڵ ویستوویەتی خۆی بشوات و تووشی ئەم رووداوە بووەتەوە.
كاروان شێرزاد سرێشمەیی بەڕێوەبەری نەخۆشخانەی خەلیفان ئاماژەی بەوەش دا كە تەرمی هاووڵاتییەكە بۆ پزیشكی دادی سۆران نێردراوە و پەڕاوی لێكۆڵینەوە بۆ رووداوەكە كراوەتەوە.
سۆران / لێزان ژیار سرێشمەیی
کۆمێنت (0)
تا ئێستا هیچ کۆمێنتێک نەکراوە.