فرۆشتنی گۆشتی گوێدرێژ و سەگ لە وڵاتی مەغریب ئەوەندە زۆر بووە خەریكە ببێتە دیاردە و هاووڵاتییان گومانیان لە دەستكەوتنی گۆشتی خاوێن و تەندروست بۆ دروستبووە.
دەسەڵاتدارانی مەغریب لە هەریەك لە شارەكانی مەڕاكیشی پایتەخت و داربەیزا و جدیدە بە سەدان سەركی گوێدرێژ و سەگیان دۆزیوەتەوە كە سەربڕاون و گۆشتەكانیان لە بازاڕەكان ساخكراونەتەوە.
بەهەمانشێوە بە سەدان كیلۆگرام گۆشتی گوێدرێژ و سەگ لە دوكانەكانی گۆشتفرۆشان و ماركێتەكان دەستیان بەسەردا گیراوە و لەناوبراون.
فرۆشتنی گۆشتی گوێدرێژ و سەگ بۆ ئەوە دەگەڕێتەوە كە ماوەی زیاتر لە سێ ساڵە نرخی گۆشت لە مەغریب بەردەوام روو لە بەرزبوونەوەیە، بەشێوەیەك كە ئێستا هەر كیلۆیەك گۆشت لەو وڵاتە نرخەكەی 12 دۆلاری ئەمەریكییە.
زۆربوونی دیاردەی فرۆشتنی گۆشتی گوێدرێژ و سەگ، هاووڵاتییانی مەغریبی تووشی كێشەیەكی گەورە كردووە بەهۆی ئەوەی متمانەیان بە هیچ گۆشتفرۆشێك نەماوە گۆشتێكی خاوێن و تەندروستیان پێ بفرۆشن.
کۆمێنت (0)
تا ئێستا هیچ کۆمێنتێک نەکراوە.