Erbil 13°C یەکشەممە 06 نیسان 06:22

وڵاتانی ئەوروپا رەزامەندییان لەسەر سووككردنی سزاكانی سەر سووریا دەربڕیوە

کوردستان TV
کاتی خوێندنەوە کەمتر لە خولەکێک (143 وشە)
100%

وەزیرانی دەرەوەی یەكێتی ئەوروپا رەزامەندییان لەسەر نەخشەڕێگایەك دەربڕیوە بۆ سووككردنی سزاكانی سەر سووریا كە پێشتر بەسەر رژێمەكەی بەشار ئەسەد سەپێنرابوو.

كایا كالاس بەرپرسی سیاسەتی دەرەوە لە یەكێتی ئەوروپا رایگەیاند: زۆرینەی وەزیرانی دەرەوەی یەكێتی ئەوروپا رەزامەندییان لەسەر نەخشەڕێگایەك دەربڕیوە بۆ چاوخشانەوە بە سزا ئابوورییەكانی سەر سووریا.

راشیگەیاند: یەكێتی ئەوروپا خوازیارە بەشداربێت لە دووبارە بنیاتنانەوەی سووریا و دروستكردنی پەیوەندییەكی باش لەگەڵ دەسەڵاتدارانی نوێ كە پێشتر چەندین جار داوای هەڵگرتنی سزاكانیان كردبوو.

نەخشەڕێگاكەی یەكێتی ئەوروپا بۆ سووككردنی سزاكانی سەر سووریا لە قۆناغی سەرەتا بوارەكانی ژیان و وزە و گواستنەوە و دامودەزگا داراییەكان دەگرێتەوە.

هەرچەندە زۆرێك لە وڵاتانی یەكێتی ئەوروپا داوای سووككردنی سزاكانی سەر سووریایان كردووە، بەڵام تا ئێستا بەشێك لە وڵاتان دژی ئەو بڕیارەن و داوای گرێنتی زیاتر لە دەسەڵاتدارانی نوێی سووریا دەكەن.

لەمبارەیەوە كایا كالاس بەرپرسی سیاسەتی دەرەوە لە یەكێتی ئەوروپا جەختی كردەوە كە ئەگەر سووریا پابەندی بڕیارەكان نەبێت، دوای بڕیاری سووككردنیش سزاكانی بەسەردا دەسەپێنرێتەوە.

رۆژهه‌ڵاتی ناوه‌راست سوریا

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.